Главната тема во Барселона во последните неколку месеци секако се претседателските избори и потенцијалното заминување на Лионел Меси од клубот следното лето.

Откако Хосеп Марија Бартомеу поднесе оставка од функцијата претседател на каталонскиот клуб, неговите должности до изборот на нов претседател ги презеде привремено Карлес Тускетс, кој вчера изјави дека подобро ќе беше Барса да го продаде Меси минатото лето поради лошата финансиска состојба.

Лапорта верува дека Меси е измамен

Во целата приказна се вклучи Жоан Лапорта, поранешниот претседател на Барселона и кандидат за наследник на Бартомеу, кој е убеден дека Тускетс не ја зборува вистината.

– Лео сака да остане во Барселона. Сакам тој повторно да биде среќен. Не му се проблем парите, тој сака да игра во екипа која се натпреварува со најдобрите. Клубот го измами и тоа е проблемот. Тој е победник и не може да гледа од година во година како други ја освојуваат Лигата на шампионите.

Последен пат разговаравме во октомври. Благодарен сум му за сè што направи до сега за Барса и сакам да остане во клубот – вели Лапорта за „COPE“.

Лео Меси од наредната сезона ќе има нов клуб!?