Привремениот претседател на Барселона, Карлес Тускетс вели дека доколку можеше, ќе го продадеше Лионел Меси минатото лето и воедно откри дека ќе доцнат платите на играчите во јануари.

„Марка“ неодамна објави дека долговите на Барселона во јуни годинава изнесуваат дури 488 милиони евра.

Поради големите долгови, Барселона се согласи да ги намали платите на играчите и членовите на стручниот штаб на клубот, со што заштеди 122 милиони евра оваа сезона и 50 милиони евра во следните три години.

Interim Barcelona president would have sold Lionel Messi (via @BarcaOnFS) https://t.co/tLB0CSQQzZ

— Everything Barca (@BarcaOnFS) December 3, 2020

Тукетс изјави дека ќе го продадеше Меси доколку можеше откако Аргентинецот изрази желба да го напушти клубот минатото лето.

– Гледајќи од економска страна, јас би го продал Меси. Кога ќе погледнете што би добиле и што би заштедиле. „Ла Лига“ воведува ограничувања за платите – рече Тускетс.

Тој додаде дека клубот ќе доцни со исплати во јануари.

– Играчите нема да добиваат исплати во јануари. Тие имаат две исплати. Едната во јануари, а другата во јуни. Овој јануари нема да има исплати. Ова е одложено исто како што се одложуваа и другите исплати – додаде Тукетс.

Бомба на Нејмар: Јас и Меси треба да играме заедно идната година