Јапонците открија дали вакцината ќе биде услов за учество на Олимписките игри

epa08560107 A young woman wearing a protective mask sits with her dog next to an Olympic Rings monument near the National Stadium, the main venue of the Tokyo Olympics and Paralympics, in Tokyo, Japan, 29 June 2020 (issued 22 July 2020). Due to the COVID-19 coronavirus pandemic, the Tokyo Olympics and Paralympics have been postponed for one year. They are now due to be held from 23 July to 08 August 2021. EPA-EFE/FRANCK ROBICHON

Извршниот директор на Олимписките игри во Токио, Тоширо Муто денеска изјави дека вакцината против коронавирусот нема да биде услов за учество на Игрите наредната година.

Муто по состанокот на работната група на Олимписките игри со јапонската влада и медицинските експерти, објави дека е донесена одлука вакцината против коронавирусот да не биде услов за учество на Игрите кои треба да се одржат наредната година во Токио.

– Тоа не е предуслов за учество на Игрите, Меѓународниот олимписки комитет и Светската здравствена организација веќе разговараат на оваа тема. Вакцината нема да бид услов за одржување на Игрите, нормално ние ќе цениме доколку се развие ефективна вакцина против коронавирусот. Но, доколку барате директен одговор – тогаш вакцинацијата не е услов за учество на Игрите – изјави Муто.

На состаноците кои треба да се одржат во наредните месеци исто така ќе се разговара и за начинот на пристигнување на спортистите во Јапонија, за тестирањата кои ќе вршат, за нивниот престој во олимпиското селе како и за мерките кои ќе бидат преземени за борилиштата да бидат безбедни за спортистите, но и за навивачите .
– Што се однесува до навивачите, се уште нема никакви услови за нив. Но, ние како организатори сакаме да избегнеме забрана за нивно присуство, ова се Олимписки игри и сакаме трибините да бидат исполнети со навивачи – додава Муто.

Олимпоските игри во Токио требаше да се одржат годинава, но поради пандемијата на коронавирусот тие се одложени за идната година и свечената церемонија на отворање на Игрите е закажана за 23. јули, а затворањето ќе биде на 8. абгуст.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот