Единствениот македонски женски одбојкарски претставник кој остана активен во европските клупски купови сезонава, шампионот Јанта Волеј Кисела Вода, откако го заврши настапот во квалификациите за Лигата на шампионите, ќе продолжи со натпреварување во ЦЕВ купот.

Одбојкарките на Никола Јаневиќ во 1/16 финалето од ЦЕВ купот ќе се соочат со хрватскиот клуб Младост Загреб.

Првиот натпревар Јанта Волеј КВ ќе го игра на домашен терен, на 26 ноември од 20.00 часот, во СЦ „Јане Сандански“ во Скопје.

Реваншот ќе се игра една недела подоцна, односно на 3 декември (20.00 часот) во спортската сала „Дом на одбојката Бојан Страниќ“ во Загреб.

Победникот од овој двомеч ќе презими во Европа и ќе обезбеди пласман во осминафиналето ЦЕВ купот, каде за противник ќе го добие подобриот од дуелите меѓу Моја Радомка од Полска и чешкиот тим Оломук.