Бугарска негувателка е обвинета за напад врз постара жена на грчкиот остров Хиос, за која требало да се грижи, објави „То вима“.

Жртвата е 82-годишна жена со деменција на која ѝ била потребна постојана грижа, обезбедена од 67-годишна Бугарка ангажирана од семејството.

Роднините на болната жена забележале влошување на нејзиното здравје, без никакво објаснување или очигледна причина за тоа, поради што поставиле камера за надзор во домот за да следат што се случува во нивно отсуство. Само еден ден откако била инсталирана камерата, на неа се покажало како негувателката ја тепа жената што и била доверена на чување, објави медиумот, повикувајќи се на синот на жртвата.

Веднаш е поднесен полициски извештај, по што следело апсење на осомничената Бугарка, проверка на автентичноста на снимките и закажување на судско-медицински преглед.

Овој случај е втор на островот Хиос за краток временски период, во кој има злоупотреба на лице кое има потреба од специјализирана грижа, потсетуваат локалните медиуми.

Заборавеност или деменција: Како да препознаете за што се работи?