Изненадување на стартот, Кербер елиминирана од Ролан Гарос
Стартот на вториот Гран слем турнир годинава, уште во првиот ден донесе големо изненадување, елиминирана е трикратната Гран слем шампионка, Анџелик Кербер.
Кербер загуби од руската тинејџерка Анастасија Потапова со 6:4,6:2 која ја запиша првата победа над тенисерка која е меѓу најдобрите 10 на ВТА ранг листата. Голем удел во победата на Потапова имаше и Кербер која очигледно не ја залечи повредата на скочниот зглоб поради која претходно го предаде дуелот на Мастерсот во Мадрид, а не учествуваше на турнирот во Рим.
Welcome to the show ?
In her Roland-Garros main draw debut, @nastiaapotapova upsets No. 5 seed Angelique Kerber 6-4, 6-2.#RG19 pic.twitter.com/abU80zJTyl
— Roland-Garros (@rolandgarros) May 26, 2019
Наредна противничка на Потапова ќе биде победничката од дуелот Ванг – Вондрусова.
Кај мажите, еден од фаворитите, Марин Чилиќ во три сета со 6:3,7:5,6:1 го елиминира Италијанецот Фабијано, а опобеда во три сета оствари и тинејџерот Стефанос Циципас.