Ивановски со бронза од Кипар и нов државен рекорд – на потег се МОК и Атлетската федерација!
Македонскиот атлетичар Дарио Ивановски по 16 пат во својата кариера руши сениорски рекорд на нашата земја. Во сезоната 2021 дури шестпати руши национален рекорд, а во изминатите 30 дена тоа го направи дури четири пати што доволно зборува за неговата фантастична олимписка година на натпреварување и докажување.
Ивановски на Европскиот куп – Трета лига во Лимасол (Кипар) го собори државниот рекорд на 3.000 метри во чија дисциплина го освои третото место со време 08:06,66 мин. На втората позиција со резултат 07:55,51 мин. се најде Србинот Елзан Бибиќ, а златото го освои Џордан Гусман од Малта (07:53,70 мин.)
Како што вели Игор Јакимовски на својот фејсбук профил, тренерот на Ивановски, сега останува со Македонскиот олимписки комитет и Атлетската федерација на Македонија да одлучат кој ќе ја претставува Македонија на Летните олимписки игри во Токио.
– Доколку се дозволи Дрита Ислами по вторпат да учествува на олимпијада со вајлд кард ние тоа ќе го почитуваме без никаков приговор бидејќи сезонава постигна најубедлив резултат по вредност – 1095 ИААФ бодови. Доколку тоа непишано правило се примени да спортист без норма не може да настапи двапати со вајлд кард на олимпијада, тогаш нема сомнеж дека Дарио е нашиот учесник на следната олимпијада Токио 2021.
Ислами со државен рекорд и прво место на Европското екипно првенство – Трета лига
Зошто Дарио?! Втор и трет резултат по вредност на национално ниво за оваа сезона – 1088 и 1082 ИААФ бодови, европски шампион на мали земји со освоено злато, балкански шампион, златен и сребрен медал на две балканијади, 6 пати рушење на национални рекорди од кои 4 во последните 30 дена, норма за европско првенство во сала и што уште не…
Во секој случај што и да се одлучи ние ќе ја почитуваме одлуката, а верувајте дека нашето најголемо задоволство и мелем за душа и срце е токму Вашата неверојатна поддршка, почит и благодарност кон нас за сè што направивме за Вас и нашата мајка Македонија.
Сите рушења на рекордите на Дарио во неговата кариера:
1. Дисциплина 1000м на отворено.
– Младинско првенство, Национална арена, Скопје, 12.06.2016 год.
Време 02.28.04.
2. Дисциплина 1500м во сала
– Светско првенство во сала, Бирмингам, Англија, 03.03.2018 год.
Време – 03.51.83.
– Медитерански игри под 23 години, Мирамас, Франција 19.01.2019 год
Време – 03.50.90.
– Атлески сојуз на Белград – митинг во сала, Белград, Р.Србија, 16.01.2021 год
Време – 03.45.46.
– Атлетски митинг во сала, Белград, Р.Србија, 31.01.2021 год.
Време – 03.44.98.
3. Дисциплина 3000м во сала.
– Атлетски митинг во сала , Белград, Р.Србија 15.01.2017 год.
Време – 08.28.59.
– Балканско првенство во сала, Истанбул, Р.Турција, 18.02.2018 год.
Време – 08.14.44.
– Балканско првенство во сала, Истанбул, Р.Турција, 16.02.2019 год.
Време – 08.03.65.
4. Дисциплина 3000м на отворено.
– Голема награда на Србија, Нови Сад, 28.08.2017 год.
Време 08.17.92.
– Европско првенство за мали земји,Сан Марино, 05.06.2021 год.
Време 08.09.87.
– Европско првенство 3та лига, Лимасол, Кипар, 20.06.2021 год
Време 08.06.66.
5. Дисциплина 10.000м.
– Сениорски куп на Македонија, 22.05.2021 год.
Време 30.04.66.
6. Дисциплина 10 км на пат.
– Скопје ран 10км, Скопје, 08.10.2017 год.
Време – 30.52.
– Меѓународна улична трка на 10км, Мадрид, Шпанија, 01.01.2020 год.
Време – 30.04.
– Скопје ран 10км, 13.06.2021 год, Скопје.
Време 29.58.
7. Полумаратон
– Белградски маратон, Р.Србија, 21.04.2018 год.
Време – 01.08.03.
ВИДЕО: Македонскиот олимпиец Нуров освои златен медал на турнирот во Италија!