Ислами со државен рекорд и прво место на Европското екипно првенство – Трета лига

Фото: facebook.com/drita01

Дрита Ислами во саботата во Лимасол (Кипар) на Европското екипно првенство – Трета лига во атлетика го освои првото место на 400 метри со пречки и постави нов македонски рекорд со резултат од 57.53 секунди.

Овој викенд се одржуваат и другите две лиги (Прва и Втора лига), додека Супер лигата се одржа на 29-30 мај. Доколку го споредиме резултатот со останатите од истата дисциплина Дрита ќе се најде на високата 13 позиција.

Исто така резултатот на нашата атлетичарка е веќе ажуриран и во ранг листата на Европската атлетска асоцијација, во дисциплината 400 м. со пречки се наоѓа на 107 место и е најдобро рангирана атлетичар-ка од Македонија.

Според оваа ранг листа само три атлетичарки од Балканот имаат подобро време од Дрита, Димитра од Грција (57.06), Агата од Словенија (57.38) и Санда од Романија (57.48).

Можеме да очекуваме доколку Ислами ја задржи одличната форма, следниот викенд на Балканското првенство за сениори-ки во Белград (Србија) Дрита да се бори за медал.

Исто така со овој резултат Дрита ја исполни и нормата (57.95 секунди) за учество на Европско првенство кое следната година ќе се одржи во Минхен (Германија).

Американски атлетичар собори светски рекорд стар 31 година

Видео на денот