„Ирецот“ на Скорсезе нема да се прикажува во кино (ВИДЕО)

„Ирецот“, последниот проект на Мартин Скорсезе многумина го прогласија за последниот мафијашки филм, со кој ќе се затвори една епоха.

Скорсезе по години на јалови обиди конечно успеа да пронајде пари за да ја адаптира книгата на Чарлс Бенет – „Слушам дека малтерисуваш куќи“, а му појде од рака да ги ангажира и холивудските великани Роберт Де Ниро, Ал Пачино и Џо Пеши, како и големите ѕвезди Реј Романо, Боби Канавале и Ана Пакин.

Во годините кога режисерот безуспешно трагаше по инвеститори, во очај ги нападната големите филмски студија, обвинувјќи ги дека повеќе не ги интересира уметноста, туку сите свои средства ги пренасочиле во снимање на проекти со суперхерои. Тогаш Скорсезе јавно праша и дали филмовите од франшизата „Одмаздници“ воопшто можат да се сметаат како дел од филмската уметност.

Голем број колеги на Скорсезе го поддржаа режисерот, отворајќи дебата за состојбите во филмската индустрија. Дел од гневот беше насочен и кон интернет-платформата за гледање филмови Нетфликс, како и против другите платформи кои се појавија во меѓувреме. Главниот аргумент беше дека со платформите ќе згаснат киносалите, а тоа катастрофално ќе влијае врз филмовите, кои повеќе нема да се снимаат за „големото платно“.

Прочитајте и...  Забележана интересна промена кај Меган Маркл: Ова е новата омилена боја на војвотката која испраќа силна порака! (ВИДЕО)

Но, токму луѓето од Нетфликс беа единствените заинтересирани да му понудат пари на Скорсезе за да го сними „Ирецот“. Тој ја прифати понудата, навлекувајќи го бесот на своите поранешни сојузници, кои целата кампања против блокбастерите и платформите ја започнаа токму како излив на поддршка за режисерот.

Netflix

Во моментов во фокусот е одлуката на директорите на Нетфликс, „Ирецот“ воопшто да не биде прикажан во киносалите, туку единствено да се појави на платформата. Претходно се водеа преговори со претставниците на американските кинодистрибутери, овој филм да се појави на репертоарот, а не помогнаа ниту проекциите за можна заработка од 300 милиони долари, уште во првата недела од емитувањето.

– Ние не се грижиме за парите заработени од продажбата на билетите, ние се грижиме за тоа нашите корисници да го погледат филмот во време и на начин на кој нив најмногу ќе им одговара – објавија од Нетфликс.

Прочитајте и...  Северина во мини фустан ја „заскокотка“ фантазијата на фановите! (ФОТО)

Од Асоцијацијата на кинодистрибутерите беа подготвени и да ги урнат сопствените стандарди, за да ги наговорат луѓето од Нетфликс да попуштат во преговорите. Вообичаено секој филм што оди во дистрибуција има забрана од 72 дена да се прикажува на телевизија, ДВД или интернет-плаформа. Нетфликс доби скратување на овој период на 60 дена, но и тоа беше премногу за водечките луѓе на платформата, кои летово едвај се согласија филмскиот хит „Рома“ само 12 дена да се прикажува во три киносали во Лос Анџелес.

На крајот сепак беше објавено дека „Ирецот“ ќе добие кинопроекција, но во неколку помали театри низ Америка, а локациите допрва ќе бидат соопштени по премиерата закажана за 27 ноември.

Прочитајте и...  Сонувавте дека се бакнувате? Во зависност од сонот еве што може да значи

„Ирецот“ е приказна базирана на исповедта на Френк Ширан со прекар Ирец, кој признал дека го убил синдикалниот лидер Џими Хофа. Буџетот на филмот е 160 милиони долари и со тоа стана најскапиот проект некогаш раководен од Скорсезе, а за потребите на сценариото користена е модерна технологија за 3Д анимација, со која се подмладени лицата на Де Ниро и Ал Пачино.

„Ирецот“ се очекува да биде еден од најуспешните филмови на годината, а се претпоставува и дека ќе биде главен кандидат за голем број награди. Голем број филмски критичари веќе го прогласија како завршно дело на режисерот и дел од актерката екипа, кои својата слава во најголема мерка им ја должат на филмовите во кои е опишан животот на мафијашките организации.

Прочитај повеќе

Северина во мини фустан ја „заскокотка“ фантазијата на фановите! (ФОТО)

Слободен Печат

Песната која беше најголемиот летен хит на Европа! (ВИДЕО)

Слободен Печат

Едно од најскандалозните интервјуа во Холивуд: Вил Смит и Џејда Пикет Смит јавно разговараа за неверството! (ВИДЕО)

Слободен Печат

Забележана интересна промена кај Меган Маркл: Ова е новата омилена боја на војвотката која испраќа силна порака! (ВИДЕО)

Слободен Печат

Најстариот син на Дејвид и Викторија Бекам се вери со прекрасната актерка Никола Пелц! (ФОТО)

Слободен Печат

Овие 5 раси на кучиња го имаат најубавото влакно! (ФОТО)

Слободен Печат

Остави Коментар

Прочитај повеќе

Контроверзна и незаборавна, имала страшно детство, стотина љубовници, а од скршеното срце никогаш не се опоравила

Слободен печат

Често настинувате, уморни сте, анксиозни? Можеби ви фалат овие витамини

Слободен печат

Стил на неделата: Илина Арсова, планинарка, алпинистка и ликовна уметница

Ј.К.Д

Кој е всушност принцот Филип? Од тешко детство, бројни скандали до влез во 100-та година од животот

Слободен печат

Ипанема, eдна од најсекси плажите на светот

Слободен печат

Сонувавте дека се бакнувате? Во зависност од сонот еве што може да значи

Слободен печат