Иранска делегација, вклучувајќи го и министерот за надворешни работи Абас Арагчи, денес го напушти Исламабад по одржаните состаноци со високи пакистански функционери, објави Ал Џезира.

Според медиумските извештаи, иранската делегација им доставила на пакистанските лидери официјален список со барањата на Техеран за прекин на војната со САД и Израел.

Was pleased to meet H.E. Seyed Abbas Araghchi, Foreign Minister of Iran, and his delegation in Islamabad today. Had a most warm, cordial exchange of views on the current regional situation. We also discussed matters of mutual interest, including the further strengthening of… pic.twitter.com/ZGLQNuGOK6

— Shehbaz Sharif (@CMShehbaz) April 25, 2026

Арагчи, по разговорите со официјални лица во Исламабад, ги пофали напорите за посредување на Пакистан за одржување на континуитетот на преговорите со САД за постигнување траен мир.

Иран му се заблагодари на Пакистан, а потоа повлече линија: Нема договор без прекин на блокадата

Арагчи во објава на Телеграм изјави дека разговарал за „најновите случувања во врска со прекинот на огнот меѓу САД и Иран“ со командантот на пакистанската армија, фелдмаршал Асим Мунир, како и со пакистанскиот премиер Шехбаз Шариф.

По посетата на Пакистан, Арагчи, како што е најавено, ќе отпатува во Оман и Русија на понатамошни дипломатски консултации.

Инаку средбите во Исламабад доаѓаат по засилен американски притисок врз Исламската Република преку продолжување на поморската блокада насочена кон принудување на Техеран да прифати преговори за завршување на војната во која веќе загинаа повеќе од 5.000 луѓе, главно во Иран.

Трамп ѝ нареди на американската морнарица да отвори оган врз секој брод што поставува мини во Ормускиот Теснец, откако војската пресретна два супертанкери за нафта кои се обиделе да ја избегнат блокадата.

Поради ограничувањата што одделно ги воведоа САД и Иран, стратешкиот поморски пат, низ кој пред војната минуваше една петтина од светската нафта и течен природен гас, и натаму е во застој.