Претседателот на Меѓународната фудбалска федерација (ФИФА), Џани Инфантино, изјави дека американскиот претседател Доналд Трамп потврдил дека репрезентацијата на Иран е добредојдена да учествува на Светското првенство (11 јуни – 19 јули 2026 година), и покрај моменталните тензии.

Инфантино изјави дека се сретнал со Трамп во среда и дека за време на разговорот разговарале за учеството на Иран на турнирот што ќе се одржи во САД, Канада и Мексико, објави „Гардијан“.

Според него, Трамп нагласил дека иранскиот тим „секако е добредојден“ да се натпреварува.

Иран веќе се квалификуваше за Светското првенство во 2026 година и се очекува да одигра три натпревари од групната фаза во Лос Анџелес и Сиетл, но неговото учество е доведено во прашање во последните недели поради ескалацијата на конфликтот меѓу САД и Иран.

Инфантино изјави дека на светот му е потребен настан како Светското првенство што може да ги зближи луѓето, заблагодарувајќи му се на американскиот претседател за неговата поддршка.

Иран на Мундијалот се наоѓа во Групата Г со селекциите на Белгија, Египет и Нов Зеланд.

View this post on Instagram

A post shared by Gianni Infantino – FIFA President (@gianni_infantino)