Шведска со убедлива победа го отвори настапот на Светското првенство, совладувајќи го Тунис со високи 5-1 во еден од најефикасните натпревари досега на турнирот. Скандинавците приредија мало изненадување со оглед на тоа што Тунис важи за незгоден и дисциплиниран противник на големите натпреварувања.

Патот кон триумфот го отвори Ајари уште во седмата минута, а Исак во 30. минута ја зголеми предноста на Шведска. Тунижаните успеаја да се вратат во игра преку Рекик, кој пред паузата намали на 2-1 и внесе неизвесност во продолжението.

Сепак, во второто полувреме Шведска целосно ја презеде контролата. Ѓокереш во 60. минута повторно донесе два гола предност, а во завршницата Сванберг погоди за 4-1. Конечниот резултат го постави Ајари со својот втор гол на натпреварот во судиското продолжение за убедливи 5-1.

За разлика од голеадата на овој натпревар, дуелот меѓу Брегот на Слоновата Коска и Еквадор кој се играше претходно понуди многу помалку возбудувања. Победникот беше решен дури во самиот финиш, кога Дијало во 90. минута ја затресе мрежата и им донесе минимален, но вреден триумф од 1-0 на Африканците.

ВИДЕО | Најмалата нација во светот го даде својот прв гол на Мундијалите