Дали некогаш сте помислиле дека можете официјално да се венчате и да го кажете судбоносното „да“ под вода?

Токму тоа го направиле Мелиса и Мартин за време на нивната подводна венчавка во Селцe, Хрватска, пишуваат хрватските медиуми.

Овој пар живее во Австрија со години, но нивната љубов кон нуркањето е причината зошто веќе петта година по ред го посетуваат Нуркачкиот центар „Михуриќ“ во Селцe преку нивниот австриски нуркачки клуб.

Таму ја запознале својата матичарка, исто така страсна нуркачка. Таа им предложила подводна венчавка, па Мелиса и Мартин веднаш прифатиле.

– Веднаш знаевме дека ќе се венчаме во соодветна облека, јас во венчаница, а Мартин во одело. Јас исто така имав високи потпетици и без никакви проблеми нурнав и седнав на столот пред матичарката, а Мартин го направи истото –  изјавила Мелиса за „Сиб.нет.хр“.

Дваесетминутната подводна венчавка „беше урнебесна“, рекла Мелиса. Заедно со младенците и матичарот, нуркале и некои од гостите, како и членови на нуркачкиот центар.

Говорот на матичарката бил напишан на пластична хартија, како и зборот „да“ на двата јазика – англиски и германски. Покрај столчињата и масата, имало и декоративен цветен лак.

Откако излегле на површина, забавата продолжила во ресторан.