Иџе седмопласиран на патеката Валелунга во Италија

Одличен викенд за македонскиот автомобилист во „Имола“/ фото: acisport.it

Македонскиот автомобилист Игор Стефановски-Иџе денеска на првата трка од „ТЦР Италија“ шампионатот го освои седмото место. Трката се возеше на патеката „Валелунга“ која се наоѓа во близина на Рим.

Иџе трката ја започна од десеттата стартна позиција, а инцидентот кој го предизвика Скалвини го оневозможи да забележи и подобар пласман.

Имено, поради излетувањето на Скалвини, трката се возеше со црвено знаме до самиот крај, што значеше дека нема да има промена на дотогашниот пласман на трката. Победата му припадна на Бриљадори, а веднаш зад него се најдоа Жардели и Тавано.

Утре со почеток од 16/35 часот ќе започне втората трка, а Иџе ќе стартува од пол-позиција и има одлична можност да дојде до победа.

Видео на денот