Необична кражба евидентирала хрватската полиција во Вараждин, откако од една продавница исчезнала несекојдневна „стока“ – четки за заби, пренесе „Даница“.

Според информациите од Полициската управа во Вараждин, кражбата се случила во четвртокот околу 14 часот во продавница во Нови Мароф.

Засега непознат сторител од објектот одзел четки за заби, при што причинетата материјална штета се проценува на околу 270 евра.

„Полициските службеници преземаат активности со цел откривање и идентификување на сторителот на ова кривично дело“, соопштија кратко од полицијата.

Имајќи ги предвид актуелните малопродажни цени на четките за заби во трговските синџири, се претпоставува дека крадецот однел приближно стотина вакви производи за секојдневна хигиена.