Хрват во Германија уапсен поради нацистички поздрав
Германската полиција привела 37-годишен Хрват, откако во подземна железница во Минхен извикувал пароли против странци и со рацете го интерпретирал нацистичкиот поздрав на Хитлер.
Инцидентот, според полициското соопштение, се случил на 16. септември оваа година околу 22.40 часот во подземна железница на станицата Sendlinger Tor Platz.
Полицајците во тој момент биле на рутинска контрола кога го здогледале човекот како извикува пароли.
Дигал раце и пред полицајците
Како што пренесуваат германските медиуми, 37-годишниот маж не престанал да ги кажува паролите и да го прави поздравот на Хитлер ниту кога дошле полицајците.
Поради тоа, како и поради агресивно однесување, Хрватот бил уапсен, пренесува Дневник.хр.
По испитување во полицијата тој бил пуштен на слобода, а против него, како што јавуваат хрватските медиуми, ќе биде поднесена и кривична пријава.