Данскиот тенисер Холгер Руне загуби од Норвежанецот Каспер Руд со 6:3, 3:6, 4:6 во полуфиналето на АТП 500 турнирот во Акапулко.

Мајката на Холгер, Анеке Руне, по поразот на нејзиниот син, добила заканувачки мејл и објавила на Инстаграм што пишува на истиот.

– Ти ку*кин сине. Те чекам. Ќе те најдам и ќе ти ставам нож во грло и потоа ќе ти ја отсечам глупавата глава. Ќе заврши во сите вести, ќе биде лекција за другите. Е*ано ѓубре. Доаѓам по тебе. Ќе умрете од тап нож – се вели во мејлот.

Анеке Руне исто така напиша.

– Ако некој го знае овој идиот, кажете му дека е нелегално да се заканува со смрт.

Руне стана професионалец во 2020 година. Досега има освоено четири турнири, со вкупно 105 победи и 67 порази. Од турнирот заработи повеќе од осум милиони долари.