Халанд ќе биде најплатениот играч во Премиер лигата!?
И денеска британските медиуми пишуваат дека еден од најбараните фудбалери на пазарот Ерлинг Халанд ќе се пресели во редовите на Манчестер сити.
Се очекува Норвежанецот да биде најплатен играч во Премиер лигата со бруто плата од 30 милиони фунти по сезона!
Феноменалниот напаѓач на Борусија Дортмунд, според информациите од Англија постигнал договор со „граѓаните“.
Според „Атлетик“, Халанд ги договорил сите детали со Сити, кој ќе ја плати откупната клаузула во текот на неделата и ќе го официјализира неговото доаѓање во клубот.
Дортмунд од трансферот треба да добие надомест од 75 милиони евра, но не се знае колку ќе земат агентите кои ги наследија Мино Рајола и таткото на Ерлинг, Алф Инге, кој исто така учествуваше во преговорите.
Erling Haaland could see a move to Manchester City confirmed this week, according to The Athletic 📝 pic.twitter.com/GBhYqs7Fwx
— GOAL (@goal) May 9, 2022
Ерлинг многу го цени клубот од Етихад, бидејќи неговиот татко Алф Инге Халанд ги бранеше боите на Сити од 2000 до 2003 година. Многумина сметаат дека и тоа значително влијаело на неговата одлука да ја прифати поканата на премиерлигашкиот гигант.