Бразилската тенисерка Беатриз Хадад Маја продолжи со одличните игри на мастерсот во Торонто обезбедувајќи пласман во финалето откако во полуфиналето ја победи Каролина Плишкова со 6:4, 7:6. Нејзина противничка во финалето ќе биде Симона Халеп.

Бразилката целосно ги контролираше случувањата во првиот сет. Веќе во првиот гем направи брејк, потоа повторно го одзеде севисот на Плишкова во петтиот гем и поведе со 5:1. Потоа следуваше мал пад, Плишкова врати еден брејк намалувајќи на 5:4, но во десеттиот гем Хадад Маја со сигурен сервис поведе со 1:0 во сетови.

Во вториот дел Плишкова прва направи брејк, во вториот гем кој го потврди со сигурен сервис и поведе со 0:3. Чешката тенисерка сервише за израмнување на 1:1 во сетови, но при 3:5 Хадад Маја успеа да се врати во игра, да направи брејк и потоа да дојде до тај-брејкот каде славеше со 9:7 што и донесе пласман во финалето.