Грузискиот тенисер Николоз Басилашвили, кој се соочува со обвинувања за местење натпревари, изјави дека ќе ги тужи германските медиуми кои ги објавија овие информации.

Имено, германската телевизија Зе-Де-Еф неодамна објави сторија дека Басилашвили и рускиот тенисер Аслан Карацев во соработка со нивниот тренер Јахор Јацик наводно учествувале во местење натпревари и дека сето тоа започнало уште во 2013 година и дека тренерот е всушност мозокот на операција.

– Добив информации за написи во германските медиуми во кои се споменува моето име во врска со наводното местење на тениски натпревари. Ваквите наводи немаат врска со реалноста и силно ги демантирам – напиша Басилашвили на социјалните мрежи.

Грузиецот истакна дека е неприфатливо неговото име да се споменува со вакви обвинувања.

– Барам ваквите текстови веднаш да престанат. Целосно демантирам сè што е напишано. Контактирав со германска адвокатска канцеларија која ќе мора да ги заштити моите интереси и да реагира на секој можен начин за да се борам со овие дезинформации кои го нарушуваат мојот углед.

Nikoloz Basilashvili🇬🇪 demandó a medios alemanes y rechazó las acusaciones de haber arreglado partidos de tenis. “Estas acusaciones no tienen ninguna base y las rechazo en los términos más enérgicos posibles”, escribió 👇 pic.twitter.com/sKR5U7t9Mn

— Enrique Quique Cano (@QuiqueCano) July 14, 2022