Градоначалникот на Цетиње, Александар Кажелан, оцени дека устоличувањето на митрополитот Јоаникије , закажано за 4 септември во главниот град на Црна Гора, „ги навредува националните и верските чувства на православните Црногорци“ и ја повика СПЦ и нејзиниот црногорски митрполит Јоаникије да ја прифати титулата митрополит на некое друго место.

„Никој, ниту државната влада, ниту верската заедница во манастирот Цетиње, која е сопственост на главниот град Цетиње, не смеат да го игнорираат овој факт, но и дека најавениот настан за устоличување на митрополитот е со висок ризик и дека тензиите се веќе е многу високо кренати “, изјави Кажелан.

Тој го повика Јоаникије (Мишовиќ) да покаже мудрост, претпазливост и смиреност и да ја прими митрополитската титула во мир и достоинство, на некое друго место.

Во писмото, Кажелан наведува дека го разбира незадоволството на граѓаните поради најавеното устоличување на митрополитот на СПЦ Јоаникије на Цетиње и ги повика граѓаните да бидат достоинствени и претпазливи доколку настанот навистина се организира на Цетиње.

Во отворено писмо до јавноста, Кажелан изјави дека црногорското општество е загрижувачки поларизирано и дека најавеното устоличување на Јоаникије Мишовиќ како митрополит црногорско – приморски во манастирот Цетиње дополнително ја искомплицира и онака сложената ситуација на полето на верските и политичкитѕе односи со Србија .