Ѓорѓевиќ: Не е добро, мали се шансите да игра Теодосиќ – Слободен печат
КошаркаСпорт

Ѓорѓевиќ: Не е добро, мали се шансите да игра Теодосиќ

Селекторот на кошаркарската репрезентација на Србија пред патот за Кина вели дека ова е голем хендикеп пред Мундобаскет 2019.

Претходно веќе беше објавено дека еден од најдобрите српски репрезентативци Милош Теодосиќ сè уште е на терапија поради повредено стопало кое го повреди на турнирот кој се играше токму во Србија.

Денеска селекторот на националната селекција, Александар Ѓорѓевиќ вели дека не се добри вестите околу здравствената состојба на својот кошаркар.

– Не е добро. Со магнетна резонанца е откриено дека Теодосиќ има руптура од 4 мм. 99% нема да игра на Мундобаскет. Тоа е голем губиток за националниот тим не само во натпреварувачка, туку и во човечка смисла – рече Ѓорѓевиќ за повредата на одличниот плејмејкер, кој неодамна мораше да го напушти подготвителниот меч со Литванија во „Штарк арената“ и оттогаш е на терапии.

Светскиот кошаркарски куп во Кина ќе се игра во периодот од 31 август до 15 септември. Претходно српските кошаркари ќе ги имаат последните три контролни средби на 23 август со Италија, два дена подоцна против Нов Зеланд и на 27 август против Франција.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close