Селекторот на Србија, Александар Ѓорѓевиќ одлучи да настапи на Светското првенство во Кина без капитенот Милош Теодосиќ, јавуваат српските медиуми.

Репрезентацијата на Србија утре патува за Кина каде ќе учествува на пријателски турнир, а потоа и на Мундобаскетот кој започнува на 31 август, а меѓу патниците нема да биде Теодосиќ.

Капитенот на Србија сè уште е на терапија поради повредено стопало кое го повреди на турнирот кој се играше токму во Србија. Теоретски,  Милош Теодосиќ може да се најде помеѓу учесниците на Мундобаскетот бидејќи последниот рок за пријавување на конечниот список е 48 часа пред стартот на СП, но српските медиуми се песимисти дека Ѓорѓевиќ ќе се одлучи на таков чекор.

Затоа пак во репрезентацијата се врати Владимир Лучиќ кој не настапи на Акрополис Купот поради поведа на бурниот мускул.
Селекцијата на Србија се наоѓа во групата Д заедно со Ангола, Италија и Филипини.