Го оставила момчето и работата, а на пат околу светот друштво и прави најдобриот пријател (ФОТО)
Сидни Фербраш (24) е совршен пример дека соништата можат да станат реалност. Оваа девојка патува низ Америка со своето куче за кое вели дека и е најдобриот пријател.
Работата ја заменила со хонорарна и сега работи на интернет. Својот кампер во кој веќе живее неколку месеци го преуредила сама, и како што вели, го прилагодила за номадскиот начин на живот. Вели дека работела три работи за да заработи доволно пари за комбето.
По раскинувањето на долгогодишната врска таа одлучила да го промени својот живот. Нејзиното куче Ела и прави друштво, а оваа двочлена екипа има следбеници ширум целиот свет. Досега таа посетила дваесет земји.
Најпрвин ја посетила Јужноафриканската Република.
„Сакам да се забавувам и за тоа сама на себе сум си доволна. По пат направив тринеделно истражување за безбедноста на жените ширум Јужноафриканската Република. Кога им ја соопштив својата одлука на родителите, тие останаа скаменети од шок. Сите беа загрижени, но јас знаев дека се ќе биде во ред“, наведува Сидни.
Вели дека таа после своето прво патување сфатила дека е родена за вакви патувања, а сега отворила и блог за своите патувања.
„Вака планирам да живеам во текот на следните три до пет години. Помина една година од почетокот, а во следните две конечно ќе знам дали авантурата на тркала ќе биде мојот живот. Не знам што носи утрото и кога ќе запрам со патувањата, но не сакам сега да се оптоварувам со тоа“, објасни Сидни и додаде дека не се покајала за својата одлука.
Од неодамна таа понела уште едно помало кученце со неа, па така сега таа и двајцата најдобри пријатели уживаат заеднички во патувањата.