Најдобрите македонски ракометари ја темпираат формата за настапот на Европското првенство што ќе се одржи од 15 јануари до 1 февруари 2026 година во Данска, Норвешка и Шведска.

Избраниците на селекторот Кирил Лазаров моментно се во Винтертур, Швајцарија, каде што учествуваат на „Жолтиот куп“ како подготовка пред натпреварите од прелиминарната фаза на ЕП во данскиот град Хернинг.

На првиот меч одигран во четвртокот, нашата селекција триумфираше со 32:28 против репрезентацијата на Бахреин.

– Им честитам на моите соиграчи за борбата и за триумфот против Бахреин. Беше тежок натпревар за играње, со подеми и падови, но среќни сме за победата. Ќе бидеме сè подобри од натпревар во натпревар. Секогаш јас како индивидуалец целам на тоа дека секогаш може подобро, и мислам дека и останатите репрезентативци можат да бидат подобри – рече македонскиот репрезентативец, средниот бек Игор Ѓоргиев по мечот со Бахреин.

Македонија ќе го има својот втор натпревар на турнирот денеска од 17.45 часот против селекцијата на Украина.

Македонија со победа над Бахреин го почна турнирот во Швајцарија