Најдобрата македонска тенисерка Лина Ѓорческа го подобри својот пласман на најновата ВТА листа, забележувајќи скок од 12 позиции по првите настапи во новата сезона.

Ѓорческа ја започна 2026 година со учество во квалификациите за САД опен, каде успеа да мине едно коло, а потоа настапи и на Челинџер турнирот во Порто. И на португалска почва македонската тенисерка оствари победа во првата рунда, што ѝ донесе значајни поени и напредок на ранг-листата.

Благодарение на тие резултати, Ѓорческа повторно се најде меѓу 200-те најдобри тенисерки во светот и моментално се наоѓа на 193. позиција. Во продолжение од сезоната, нејзина цел ќе биде да се приближи, а можеби и да го надмине својот најдобар пласман во кариерата, 170. место на ВТА листата.

Во текот на оваа недела, Ѓорческа нема планирани турнирски настапи и ќе го искористи периодот за подготовка за предизвиците што следуваат.