Ѓоковиќ без борба во четвртфиналето на Мастерсот во Париз
Првиот носител на Мастерсот во Париз, Новак Ѓоковиќ без борба обезбеди пласман во четвртфиналето откако Гаел Монфилс го предаде мечот кој требаше да се игра денеска.
Ѓоковиќ и Монфилс требаше да играат во осминафиналето на Мастерсот, но францускиот тенисер се повлече поради повреда на мускулот на десната нога. Монфилс соопшти дека лекарите не му дозволија да настапи против Новак Ѓоковиќ поради повредата која ја здоби уште на почетокот од мечот со Адријан Манарино.
En conférence de presse, @Gael_Monfils vient d’annoncer son retrait du #RolexParisMasters pour blessure. pic.twitter.com/VSRIAGTo4f
— ROLEX PARIS MASTERS (@RolexPMasters) November 4, 2021
Противник на Ѓоковиќ во четвртфиналето ќе мубиде подобриот од дуелот Камерон Нори – Тејлор Фриц.
Покрај Ѓоковиќ, пласман во четвртфиналето обезбедија Хуберт Хуркач и Џејмс Дакворт.
Хуркач во три сета со 4:6,7:5,6:2 го победи Германецот Кепфер, додека Дакворт во два сета и тоа со 7:6,6:4 гбеше поуспешен од Попирин.