Германија: Хрват под дејство на коктел од дроги возел автобус полн со луѓе
За време на претрес на автобусот службениците пронашле и вреќичка со бел прав. Подоцнежната истрага покажала дека станува збор на мешавина на кокаин, амфетамин и метамфетамин.
Полицијата во Пасау соопшти дека при проверка на патници во автобус со хрватски регистарски ознаки, ноќта на 11 јануари 2020 година, откриле 45-годишен возач под дејство на дрога, јавува „Феникс магазин“.
Граничната полиција го застанала автобусот на бензинската станица Донаутал-Вест.
– За време на прегледот на автобусот, заклучено е дека 45-годишниот возач со хрватско државјанство бил под дејство на дрога. Брзиот тест позитивно реагираше на кокаин и амфетамин – известуваат надлежните.
За време на претрес на автобусот службениците пронашле и вреќичка со бел прав. Подоцнежната истрага покажала дека станува збор на мешавина на кокаин, амфетамин и метамфетамин.
Пронајдената дрога е запленета, а Хрватот ќе одговара за кршење на Законот за наркотици.
Полицијата во своето соопштение не наведе детали за идентитетот на возачот, ниту пак за која агенција возел, како и за тоа кон која локација во Германија ги возел патниците.
Фото: Илустрација/Профимедиа