Германците возат се постари возила, покажува истражувањето според кое дури 9,7 отсто од вкупно 47,7 милиони патнички возила се постари од 20 години. Просечната старост на патничките возила на германските патишта е 9,6 години, што пак претставува рекорд кога станува збор за староста на возниот парк во Германија.

Во овој негативен европски просек Германија е веднаш зад Луксембург каде просекот е 6,4 години, Велика Британија осум, Австрија 8,2, Италија 8,4 и Франција просекот изнесува 9 години. На листата се најде и Литванија, каде просечната старост на возилата изнесува 17 години.

Според статистиките на ова истражување повеќе од 23,4 отсто од вкупниот број се возила постари од 15 години.

Експертите од оваа област повикаа на итно политичко делување. Според нив овој број е јасен сигнал кој покажува колку е голема шансата со вистинска програма за поттикнување на економијата да даде силен импулс на германскиот автомобилски пазар, бидејќи само со стимулација побарувачката и во тешки и несигурни услови би можела да се поттикне.

Тие сметаат дека е направена грешка што автомобилите кои користат гориво како погонски енергенс испаднале од програмата за поттикнување, укажувајќи дека со тоа не може ништо да се постигне во борбата против климатските промени, а не може да придонесе и во опофравување од најголемата рецесија од Втофрата светска војна.