Георгиевски оди во Софија по злато
Георгиевски кон крајот на минатиот месец настапи на Г1 турнирот Словенија опен, а оттаму се врати со златен медал. Во Софија сака да го повтори успехот.
Најдобриот македонски таеквондист Дејан Георгиевски (+ 87 кг) треба да настапи на Г1 турнирот во Софија в недела, а има амбиција да освои златен медал. Турнирите со знак Г1 се најквалитетните во овој спорт.
Георгиевски кон крајот на минатиот месец настапи на Г1 турнирот Словенија опен, а оттаму се врати со златен медал. Во Софија сака да го повтори успехот.
– Во Софија има Г1 турнир на кој се собираат бодови за подобра позиција за квалификацискиот турнир за ЛОИ во Милано. Како и на секој турнир така и на овој одам на злато – вели Георгиевски.
Инаку, квалификацискиот турнир во Милано треба да се одржи на 17 април, но изгледа ќе биде префрлен на нова локација, поради коронавирусот.
По Софија следува турнирот во Белгија на 14 март и сениорското ЕП во Загреб на 4 април. Георгиевски планира да настапи на сите. На олимпискиот квалификациски турнир виза за Токио 2020 обезбедуваат само најдобрите двајца по категории.