Генерален 24-часовен штрајк во медиумите и во приватниот сектор во Грција

Освен новинарите, во штрајкот учествуваат и техничарите, во приватните и државните медиуми, како и вработените во прес центрите во министерствата, а од 6 часот утрово, државната новинска агенција АНА-МПА, прекина да дистрибуира вести.

Грција денеска е без вести и информативни емисии на радијата и телевизиите поради 24-часовниот штрајк што од 6 часот утрово го започнаа вработените во медиумите, а со тоа, Здружението на новинари учествува во генералниот штрајк закажан од Синдикатот на вработените во приватниот сектор, јави дописничката на МИА од Атина.

Освен новинарите, во штрајкот учествуваат и техничарите, во приватните и државните медиуми, како и вработените во прес центрите во министерствата, а од 6 часот утрово, државната новинска агенција АНА-МПА, прекина да дистрибуира вести.

Денот на трудот во Грција, оваа година ќе се одбележи два пати – денеска и во четврток, со оглед на тоа што се поделија синдикатите на вработените во јавниот и приватниот сектор, па така, оној на вработените во јавниот сектор за 6 мај закажа 24-часовен штрајк и повика на собири.

И од двата синдикати оваа година, Денот на трудот го посветуваат на новите измени во законот за работни односи што ги носи Министерството за труд на Грција и упатуваат порака дека не смее во никој случај да се промени осумчасовното работно време.

Денеска, нема да се одржат протести, но за во четврток, веќе се закажани како во Атина, така и во другите грчки градови, а на масовно учество повикаа и од опозициската СИРИЗА, за заштита на работничките права.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот