Ганц: Борбата нема да престане се додека не донесеме целосен и долгорочен мир

Министерот за одбрана на Израел, Бени Ганц денеска изјави дека израелската армија има уште илјадници цели за напад во Појасот Газа и оти никој не е заштитен.

– Израелските одбранбени сили (ИДФ) имаат многу планови да продолжат со нападите врз Хамас и борбата нема да престане се додека не донесеме целосен и долгорочен мир, истакна Ганц за време на посетата на поморската база во Ашдод, во јужниот дел на Израел.

Тој наведе дека меѓународната заедница „треба да разбере дека Хамас е терористичка група која отвори оган и која продолжува неселективно да пука врз цивилите, и оти ќе сноси одговорност и ќе ја плати цената”.

Ганц додаде дека на сите граници се распоредени припадници на ИДФ кои би го осуетиле секој обид за наштетување на Израелците и на израелскиот суверенитет.

Видео на денот