Гаџа: Сакаме да славиме и го освоиме трофејот во Супер купот на Македонија
Вардар1961 по четврти пат ќе игра во Супер купот на Македонија, а по вторпат ќе игра со екипа од Битола, овојпат со Е. Пелистер.
Натпреварот е закажан за утре, (среда 11 август 2021 година) во 19.00 часот во СЦ „Борис Трајковски“ – Скопје.
Досега се одиграни три Супер Куп дуели, а сите титули ги освоија ракометарите на Вардар. Лани поради пандемијата на коронавирусот Супер Купот не се одигра.
2019
Вардар – Металург 26:14
2018
Вардар – Металург 33:24
2017
Вардар – Е. Работник 30:25
Ракометарот на Вардар1961, Анте Гаџа:
– Пред нас е првиот официјален натпревар, веднаш се игра за трофеј. Ние сме Вардар и секако сакаме да победиме. Секако дека знаеме дека е многу рано, дека имаме многу нови играчи, Гурбиндо недостасува и тоа сигурно ќе се почувствува. Но, ние мора да го дадеме максимумот, да се види ангажманот, трудот, волјата, и мислам дека сите тие недостатоци на невоиграност ќе ги скриеме и дека во среда ќе славиме. Тешко е, немаше многу време, има и други јазици од новите играчи кои се зборуваат, се „бараме“ во играта. Ќе покажеме борбеност и бидеме што подобро подготвени пред предизвиците во СЕХА лигата и Лигата на шампионите – рече Гаџа.