ФСБ доби моќ да го исклучи интернетот во Русија кога ќе посака
Федералната служба за безбедност (ФСБ) на Русија доби широки овластувања да го исклучи интернетот, мобилните мрежи и другите комуникациски услуги низ целата земја како одговор на неодредени „безбедносни закани“. Новиот закон, усвоен од руската државна Дума на 27 јануари, ѝ дозволува на ФСБ да нареди целосно исклучување на комуникациите во секое време.
Препорачано
Што опфаќа новиот закон?
Законот бара од телекомуникациските оператори веднаш да ги суспендираат услугите по добивањето директива од ФСБ, пишува британскиот портал Јунајтед24 медиа.
Одредбата се однесува на сите форми на комуникација, вклучувајќи широкопојасен интернет, мобилни и фиксни телефонски услуги и платформи за пораки. Давателите на услуги се законски заштитени од каква било финансиска одговорност за прекини предизвикани од почитување на законот.
Latest Defence Intelligence update on the situation in Ukraine – 08 February 2026. Find out more about Defence Intelligence’s use of language: https://t.co/Qwr8e46gC2 #StandWithUkraine pic.twitter.com/27mwSQ6Skv
— Ministry of Defence 🇬🇧 (@DefenceHQ) February 8, 2026
Невидено ниво на државна контрола
Министерството за одбрана на Велика Британија соопшти дека законот воведува „невидено ниво на државна контрола“ врз дигиталната инфраструктура на Русија.
Поради многу широката правна дефиниција за „комуникациски услуги“, ФСБ сега може законски да интервенира во речиси сите канали за пренос на податоци, вклучувајќи гласовни повици, текстуални пораки, видео и целиот интернет сообраќај.
Зајакнување на контролата врз информациите
Овој потег, додава британската влада, се вклопува во поширок модел на зајакнување на државната контрола врз рускиот информациски простор, тренд кој значително се забрза од почетокот на целосната инвазија на Украина во 2022 година.
Претходно, рускиот претседател Владимир Путин ѝ нареди на владата да изготви дополнителни ограничувања насочени кон софтверот од земјите што Москва ги означува како „непријателски“, според списокот на претседателски наредби објавени на официјалната веб-страница на Кремљ.
