Фрапар продолжува да ги поместува границите, ќе суди машки натпревар на „Вембли“
Французинката Стефани Фрапар ќе ја дели правдата на пријателскиот натпревар помеѓу Англија и Австралија кој е закажан за на 13. октомври.
Фрапар во минатото испишуваше историја како прва жена која судеше на Светско првенство, судеше и во Лигата на шампионите, а сега ќе стане и првата жена која ќе суди натпревар на машки репрезентации на „Вембли“.
„Стефани е одличен судија. Воодушевени сме од нејзината работа и среќни што ќе ни суди против Австралија на преполниот Вембли. Сакаме да и посакаме топло добредојде во домот на англискиот фудбал“, изјави шефот на судиите при Фудбалската асоцијација на Англија, Питер Елсворт.
Во 2019 година Фрапар го судеше и финалето на Светското првенство во женска конкуренција, а од таа година суди и натпревари во француската Лига 1.
Стефани Фрапар ги руши табуата во фудбалот, таа е прва жена судијка на ЕП