Тиражниот француски „Ле Паризиен“ го критикуваше напаѓачот на ПСЖ, Лионел Меси по реакцијата на натпреварот од последното коло во „Лига 1“ против Лион.

Аргентинскиот напаѓач беше заменет во 76 минута, а кога го напушти теренот, не сакаше да се поздрави со тренерот на „светците“, Маурисио Покетино.

Сите светски медиуми пишуваат за потегот на Меси во неделата вечерта, а „Ле Паризиен“ отиде чекор подалеку.

– Неговиот престој во Париз ќе биде поголем предизвик отколку што се очекуваше. Меси е блед. Ја спушта главата надолу, оди по теренот и повеќе не влијае на играта – пишува за фудбалот „Ле Паризиен“.

Меси за првпат играше пред публиката на Паркот на принцовите минатиот викенд, а во првото полувреме ја погоди пречката од слободен удар. Тој досега нема постигнато ниту еден гол оваа сезона.

Во моментот кога 34-годишниот фудбалер ја напушти играта, резултатот беше 1:1, а Меси исто така е критикуван дека реагираше рамнодушно по решавачкиот гол на неговиот сонародник Мауро Икарди во судиското надополнување (90+3`).