По натпреварот во кој ПСЖ со 2:1 го совлада Олимпик Лион во дербито на колото во Лига 1, Калид бин Хамад бин Калифа Ал-Тани, кој е брат на емирот на Катар, Тамим бин Хамад Ал-Тани кој е сопственик на „светците“, му упати јавно предупредување на Маурисио Покетино.

Покетино во 76. минута од играта го изведе од игра Лионел Меси и на негово место го постави дефанзивецот Ашраф Хакими. Тој потег го налути Меси кој потоа одби да се поздрави со Покетино.
Одлуката на Покетино го налути и шеикот Калид кој јавно му упати предупредување на тренерот за својот потег.

„Лондон е прекрасен град, тоа го знаеш“, напиша братот на сопственикот на ПСЖ и притоа јасно го предупреди тренерот дека слична ситуација ќе значи и негов отказ.

London is a beautiful city..you know that.. pic.twitter.com/u6rluYyuVu

— خلـــيفة بـــن حمـــد آلــ ثانــــــي (@khm_althani) September 19, 2021