ФОТО+ВИДЕО | Сите очекуваа луксуз, а тој носеше „Зара“: Што се крие зад облеката на Бед Бани на Супербоул
Порториканската ѕвезда и човекот кој испиша историја на доделувањето на наградите Греми, Бед Бани, настапи како главна ѕвезда на шоуто на полувремето на Супербоул на стадионот „Левис“ во Санта Клара, Калифорнија.
Препорачано
Како што се и очекуваше, овој, омилен на многумина изведувач, целосно доминираше на сцената, носејќи со себе и незаборавна модна изјава.
– Шоуто ќе биде забавно и лесно. Луѓето само треба да се грижат за танцувањето – рече ѕвездата на својата прес-конференција на НФЛ претходно оваа недела.
Со оглед на тоа што музичарот е познат по прифаќањето смели модни избори, не беше изненадување што Бед Бани и за настапот на Супербоул се одлучил за препознатливиот стајлинг. Музичарот беше облечен во „Зара“.
Стилизиран од неговите чести соработници Сторм Пабло и Марвин Даглас Линарес, Бед Бани носеше минималистички крем стајлинг од глава до пети, вклучувајќи кошула со вратоврска, спортски инспириран дрес со името Окасио и бројот 64, чино панталони и патики. Значењето на бројот 64? Обожавателите шпекулираат дека 1964 година е годината на раѓање на неговата мајка, Лисорие Окасио.
Иако Бед Бани лесно можеше да избере кој било бренд на светот за да го носи на својот настап на полувремето, со оглед на тоа што пред само една недела на доделувањето на Греми ја носеше првата машка креација на модната куќа „Скијапарели“, неговата одлука да го носи шпанскиот „хајстрит“ бренд не беше без намера. Повеќето негови песни се пеат на шпански јазик.
– Тоа беше неверојатно шоу. Бенито приреди незаборавен настап. Колку прекрасен стајлинг – се вели во изјавата на брендот за облеката на Бед Бани.
Подоцна во текот на вечерта, тој се пресоблече во друг стајлинг на „Зара“, додавајќи крем палто со дворедно закопчување. Што се однесува на додатоците, Бед Бани носеше соодветни крем ракавици и часовник „ројал оук“ од „Одемарс пикет“. Овој луксузен часовник од 37 мм има куќиште од 18-каратно жолто злато со бројчаник од каменот малахит. За обувки, тој избра пар свои патики „BadBo 1.0 Resilience“ создадени во соработка со „Адидас“.
View this post on Instagram
Одлуката на Бед Бани да им пркоси на сите театрални модни очекувања на сцената на Супербоул има совршена смисла кога ќе се земе предвид неговата долга историја на стил. Без разлика дали е на сцената или на црвениот тепих, тој секогаш пристапувал кон облекувањето со оригинален и личен шмек.
