Денеска најдобрите македонски фудбалери го имаа и вториот тренинг во Букурешт, Романија, каде што ќе ги играат првите два натпревари на Европското првенство.

Како што е веќе познато, Илија Несторовски поради повреда нема да може да им помогне на своите репрезентативни колеги на континенталниот собир.

Секако, на играчот на Удинезе му е најтешко што нема да биде дел од составот на Игор Ангеловски, а токму тој беше асистентот на победничкиот погодок лани против Грузија за пласман на ЕП.

Ферхан Хасани исто така тренира со останатите, има маска поради повредата на носот која ја здоби на пријателскиот меч со Словенија (1:1).

Севкупно во одлична атмосфера македонските фудбалери го очекуваат дуелот со Австријците кои во изминатите квалификации токму за ова ЕП двапати славеа против нас со 2:1 и 4:1.

Костадинов: Очекуваме максимална поддршка од нашите навивачи, знаеме дека тие се најдобри и најгласни

ВИДЕО I Атлетик ја анализира играта на Македонија, имаат одличен пресинг