Нептун е познат како светло сина планета, а Уран како зелена, но новата студија откри дека двата ледени џина всушност се многу послични еден на друг отколку што се мислеше. Вистинските бои на планетите беа потврдени со помош на истражувачи предводени од професорот Патрик Ирвин од Универзитетот во Оксфорд, пишува „Физ.орг“ (Phys.org).

Тој и неговиот тим утврдиле дека двата света се всушност зеленикаво сини, и покрај вообичаеното верување дека Нептун е речиси азурен, а Уран е бледо цијан.

Астрономите одамна знаат дека повеќето фотографии од двете планети не ги покажуваат нивните вистински бои. Грешката била предизвикана од фотографии испратени од вселенски летала како Војаџер 2, кои само прелетувале и ги снимиле во посебни бои.

New images reveal what #Neptune and #Uranus really look like @UniofOxford @RoyalAstroSoc https://t.co/A0XBlZCTOC https://t.co/etVeNYk4kJ

— Phys.org (@physorg_com) January 5, 2024

Сликите со по една боја подоцна биле комбинирани и биле направени композитни фотографии во боја, кои не секогаш ја покажуваат вистинската боја. Ова било особено случај со Нептун, кој изгледал „премногу сино“.

Покрај тоа, првите слики на Војаџер 2 од Нептун имале силен контраст за да ги откријат облаците и ветровите.

– Иако познатите фотографии на Уран направени од Војаџер 2 беа објавени со речиси вистинска боја, оние на Нептун беа подобрени и вештачки станаа уште посини. Иако кај нив беа објавени објаснувања за вистинските бои, луѓето заборавија на тоа. Сега го искористивме нашиот модел и ги претставивме вистинските бои и на Уран и на Нептун – изјави професорот Ирвин.