Еден светликав чорап што го носел кралот на поп-музиката, Мајкл Џексон, за време на неговата француска турнеја во 1997 година, продаден е на аукција во градот Ним за 6.200 евра, објавија француските медиуми.

Чорапот, украсен со кристали беше проценет помеѓу 3.000 и 4.000 евра и имал посебна вредност бидејќи Џексон го носел за време на спектакуларниот настап во Ница, на стадионот „Чарлс Ерман“, на 27 јуни 1997 година, за време на изведбата на песните „Beat It“ и „Billie Jean“.

Une chaussette portée le 27 juillet 1997 par #MichaelJackson lors d’un concert à Nice a été adjugée 6.200 euros (7.688 euros avec frais) lors d’une vente aux enchères organisée mercredi par l’Hôtel des ventes de #Nîmes #AFP pic.twitter.com/1xpi7LSBtZ

— Jean-François Guyot (@JFGuyot) July 30, 2025

Овој предмет го пронашол тогашниот сценски техничар во близина на соблекувалната по концертот. Тој го чувал чорапот заедно со пропусницата за зад сцената и платниот лист од тоа време, што служело како доказ за автентичност.

Претходниот обид за продажба на овој чорап бил на 21 јули и не успеал поради, како што е наведено, лошото медиумско известување.

Новиот датум на аукцијата предизвикал поголем интерес кај колекционерите, па чорапот бил продаден за повеќе од двојно поголема цена од почетната, која изнесувала 2.500 евра.