Ријана повторно ги поместува границите на модната индустрија. За нејзината најнова кампања за Денот на вљубените за брендот за долна облека „Савиџ х Фенти“, таа ја ангажираше Вивијан Вилсон, 21-годишната трансродова ќерка на Илон Маск.

Иако таа не е блиска со својот татко, таа е ѕвездата на колекцијата „Love So Savage: A Modern Ode to Aphrodite“, пишува „Пејџ сикс“.

На фотографијата од кампањата, Вилсон (десно на фотографијата) се појавува покрај актерките Лови Симон и Ема Арлета пред импресивни мермерни статуи. Таа носи градник со розов дезен и мини здолниште од чипка, заедно со светло црвени хулахопки, златни обетки и темноцрвен кармин. Други познати личности кои учествуваат во кампањата се ѕвездите од ријалити шоуата Серена Пејџ и Кордел Бекам, како и инфлуенсерите Хејли и Жулс Лебланк.

Ријана, која го лансираше својот бренд во 2018 година, ја објасни визијата за новата колекција: „Денот на вљубените е време за славење на љубовта во сите нејзини форми. Во „Савиџ х Фенти“, сакаме луѓето да ја прифатат љубовта како што сакаат и да се чувствуваат самоуверено во неа.“

За Вивијан, ова е уште еден голем чекор во нејзината брзорастечка кариера во манекенството. Таа се појави и на насловната страница на „Тин Вог“ минатата година, а кратко потоа го направи своето професионално деби за брендот „Вајлдфенг“, додека истата година позираше и за брендот за долна облека „Томбојикс“.

Вивијан дополнително ја зацврсти својата кариера минатиот септември на Неделата на модата во Њујорк, каде што прошета на ревијата „Крисабана“ за пролет 2026 година.

ФОТО | Трансродовата ќерка на Илон Маск тврди дека нема пари и живее со цимери: „Немам желба да бидам супербогата“