Претседателот на Соединетите Американски Држави, Доналд Трамп, ја пофалил својата сопруга Меланија за овогодинешното божиќно украсување на Белата куќа.

Тој истакнал дека конечно успеала да ги избегне критиките што следеле по нејзините претходни креативни избори.

– Реков: „Душо, направи ми услуга. Направи ги елките да бидат зелени. Само нека бидат зелени“, и сега таа ги доби најдобрите комплименти – рекол Трамп на приемот во Белата куќа, пишува магазинот „Пипл“.

Претседателот на САД се потсетил на претходните години кога црвените и белите елки во Белата куќа предизвикаа негативни реакции од медиумите.

Белата куќа годинава е украсена со класични зимзелени елки со декорации во златна и црвена боја, а Меланија ја опишала својата инспирација како „радост“.

Поранешната шефица на кабинетот на Меланија Трамп, Стефани Гришам, потврдила дека Меланија во минатото била фрустрирана од постојаните критики, но дека „ги сака празниците и настаните што се поврзани со деца“ и обрнува многу внимание на декоративните детали.

Меланија во минатото се соочувала со критики за нејзините неочекувани стилски избори кога станува збор за украсување на Белата куќа, за разлика од повеќето први дами кои се држеле до традиционалниот американски стил: украсени зимзелени елки со орнаменти и венци.

ФОТО | Духот на Божиќ во Белата куќа: Меланија Трамп ја претстави најраскошната празнична декорација досега

ФОТО+ВИДЕО | Вистинска бајка: Меланија Трамп ги претстави празничните декорации на Белата куќа за оваа година