Холивудската актерка Шарлиз Терон направи ретка пауза од својата згусната агенда за да ужива во одморот на Хаваи. Оскаровката беше забележана на белата песочна плажа во саботата попладне, во друштво на нејзините ќерки Џексон и Август, пишува „Дејли Мејл“.

50-годишната актерка воодушеви со својата линија појавувајќи се во жолто бикини. Иако е во својата шеста деценија, Терон често објавува фотографии на Инстаграм на кои се гледа дека е во врвна форма, што ја одржува со редовни вежби како пилатес, јога и тенис. Актерката често истакнува дека клучот е во пронаоѓањето на активност што ја сакате за вежбањето да не ви претставува обврска.

Шарлиз е горда самохрана мајка на две посвоени ќерки – Џексон, која има околу 14 години, и Август, која има 11 години. Таа неодамна искрено зборуваше за предизвиците на родителството, шегувајќи се дека тинејџерските години на нејзините деца се вистинска борба, но дека се труди да ги израсне со свесност за светот околу нив и со почит кон нејзината родна Јужна Африка.