При претрес на четири локации во Варна, бугарската полиција запленила 200.000 евра распределени во пликови, а кои од страна на организирана криминална група биле наменети за купување гласови. Парите биле заедно со списоци што содржат лични податоци на граѓани, објави на социјалните мрежи главниот секретар на Министерството за внатрешни работи на Бугарија, Георги Кандев, пренесува БГНЕС.

„Ова е организирана криминална група и мрежа од големи размери што се занимава со купување гласови за изборите. Во групата е вклучен и човек кој е општински советник од Провадија“, напиша Кандев. Според него, групата е специјализирана за кривични дела поврзани со избори и купување гласови. Уапсени се четири лица. Истрагата ја следи обвинителството во Варна. Не е јасно дали општинскиот советник е меѓу уапсените.

Според информациите на „Сега.бг“, тој е приведен од Министерството за внатрешни работи 24 часа.

Случајот е под истрага од почетокот на април.

„Само вчера беа испрашани 152 лица за кои имаме информации дека добиле пари од групата за да гласаат за одредена партија. Повторно, во текот на денот, беа составени 137 протоколи за лица за кои постојат докази дека учествувале во изборни злосторства на различни начини“, истакнува Кандев.

Министерот за внатрешни работи Емил Дечев, исто така, потсетува дека во Велико Трново биле пронајдени и запленети пари и списоци со имиња на граѓани од автомобилот на лице со имунитет – кандидат за пратеник.

„Во автомобилот патувал и човек со повеќекратни пресуди. Честитки до колегите од Велико Трново! Случајот е пријавен во Софиското градско обвинителство! Се движи!“, напиша министерот на Фејсбук.

И привремениот премиер Андреј Ѓуров вчера предупреди дека во Бугарија се спрема шема за купување гласови со фалсификувани евра.

Бугарија бара од ЕУ да ја штити за изборите поради страв од руско мешање во гласањето – Слободен печат