Познтата британска актерка Кејт Бекинсејл објави неколку фотографии по повод Денот на мајката во Велика Британија. Но, на разочарување на нејзините обожаватели, заедно со фотографиите од нејзината мајка, Џуди Лоа, таа објави и фотографии од неа кои се направени во болница.

Имено, актерката објави фотографии како лежи во болнички кревет со солзи во очите.

„Среќен роденден и Денот на мајката во Велика Британија на мојата неверојатна мајка. Им благодарам на оние кои нè сакаат и поддржуваат кога животот е глупост и се обидуваат да се погрижат некои делови да не се (глупости)…И се појавуваат кога сме болни и седат со нас“, напиша таа, без дополнително да објасни зошто завршила во болница.

Во описот на фотографиите таа ѝ се заблагодари на својата мајка и што се грижи за нејзините кучиња кога таа не може да го стори тоа.

„Ти благодариме што се грижиш за кучињата кога не можеме, и што нè натера да се сеќаваме на добрите работи кога не можеме…Толку си инспиративна и убава. Те сакам“, додаде таа.

Обожавателите се загрижени за болничките фотографии и се збунети бидејќи актерката не дала објаснување за нив.

„Дали си добро? Зошто си во болница? Оздрави се наскоро“; „Се молам за оздравување без разлика низ што поминуваш“; „Испраќам голема прегратка“; „Се надевам дека си добрa“; „Што по ѓаволите правиш во болница?“, се дел од коментарите на фановите.

Меѓутоа Кејт сè уште не се огласила да ја објасни нејзината здравствена состојба.