Жена од Скопје алармира дека попладнево паднало големо парче ламарина од зграда на која се работи на тротоар и велосипедска патека на скопскиот булевар „Илинден“.

Еве ја во целост нејзината објава:

Ало Скопје? Можеме ли безбедно да се движиме без да се плашиме за сопствениот живот? Колку жртви се потребни за да се стави некој ред на сите случувања околу нас? Една минута пред да падне овој лимов поминав од тука и немаше ниту луѓе, ниту некаков знак дека нешто се гради или руши или пак дека може да има одрони и објекти да ви паѓаат туку така на сред патека и дел на Илинденска која притоа е постојано активна. Требаше да падне врз човек за да реагирате и да ставите некаков ред на ова постојано градење и рушење? СТРАШНО! Гледајте луѓе во сите правци – никаде не сме безбедни!“, вели вознемирената жена, која објави и фотографии од инцидентот, во кој за среќа никој не е повреден.