Најдобриот српски тенисер Новак Ѓоковиќ и рускиот тенисер Роман Сафијулин се сретнаа во осминафиналето на Вимблдон, а нивниот натпревар ја отвори програмата на познатиот Централен терен. И додека Новак се бори за секој поен на лондонската трева, вниманието од трибините уште еднаш го привлекоа неговата најголема и најверна поддршка, сопругата Јелена Ѓоковиќ и децата Стефан и Тара. 

Семејството на Ѓоковиќ е секогаш во центарот на вниманието кога се појавува на трибините, а овој пат приредиле вистински мали семејни моменти за паметење. Малиот Стефан одлучил да не експериментира премногу со облеката, па бодрењето на својот татко избрал обична бела маица и бела качкет со препознатливото лого на Вимблдон.

Колку е опуштена атмосферата меѓу нив покажал и моментот кога Стефан спонтано станал од своето место за да направи брзо селфи со својата мајка и сестра со мобилниот телефон.

Од друга страна, малата Тара била преслатка во својот шарен фустан кој совршено одговара на нејзината возраст и зрачи со детска разиграност.

Меѓутоа, ако зборуваме за модните хитови, Јелена Ѓоковиќ повторно воодушевила со својот непогрешлив стил. Таа блеснала во мини бел фустан со многу интересни детали на ракавите и на копчињата.

Зад беспрекорниот стил на Јелена стои престижната модна куќа „Диор“. Овој идеален летен фустан е дел од нивната позната колекција „Диорвиер“, односно летна линија облека, луксузни чанти и парфеми кои се директно инспирирани од убавината и естетиката на магичната француска ривиера.

Кога станува збор за цената, фустанот може да се најде по редовна цена од околу 2.700 фунти на странските веб-страници за луксузна облека. Сепак, една информација ќе ги израдува љубителите на висока мода бидејќи овој модел е во моментов на намаление, па за него треба да издвоите околу 2.200 фунти.