Фудбалскиот клуб Пелистер ја информира јавноста дека, по истекот на договорите, завршува соработката со шест играчи.

„Зелено-белиот“ дрес повеќе нема да го носат капитените Мирко Ивановски и Александар Ристевски, како и Андреј Јовчевски, Давид Ангелевски, Филип Бошковски и Вилдан Керим.

Во изминатиот период клубот од Битола за нов шеф на стручниот штаб го назначи Борче Христов, а Димитар Митроевски е новиот претседател на ФК Пелистер.

Христов потпиша договор на две години, со јасно дефинирани цели и амбиции за периодот што следува.

Целта на Пелистер ќе биде експресно враќање во Првата македонска лига, а стартот на подготовките за новата сезона е закажан за 9 јули.