Нина Бадриќ се огласи на социјалните мрежи по поразот на Хрватска од Португалија на Светското првенство во фудбал, испраќајќи емотивна порака до капитенот Лука Модриќ. Пејачката ја истакна неговата големина со трогателна објава, придружувајќи се на голем број познати имиња кои му оддадоа почит по испаѓањето на огнените.

Хрватската пејачка Нина Бадриќ му оддаде почит на капитенот на хрватската фудбалска репрезентација, Лука Модриќ, со емотивен пост на социјалните мрежи. Со заедничка фотографија, Бадриќ истакна зошто го смета Модриќ за исклучителна личност, не само како спортист, туку и како човек.

 

View this post on Instagram

 

A post shared by Nina Badrić (@badrich)

„Не е лесно да се стане најдобар во светот. И да се биде легенда за цел живот. Уште потешко е на првото место да се одржи целата кариера. А најтешко е низ сите најголеми успеси да се остане истото скромно момче со искрена насмевка  Додека другите бројат голови, Лука Модриќ остава трага во срцата. Маестро, капата долу и ти благодарам за сè“, напишала пејачката со фотографија на која насмеано позира во прегратка со Модриќ.

Објавата набрзо привлече бројни реакции од следбениците, кои во коментарите се согласија со зборовите на Нина и напишаа дека Модриќ со своите игри, но и со своето однесување надвор од теренот, оставил посебна трага.

Објавената фотографија не е нова, туку е направена во јуни минатата година.

Снимена е на крштевката на Луна, ќерката на фудбалерот Матео Ковачиќ и неговата сопруга Изабел. Нина Бадриќ присуствувала на свеченоста како една од гостите, а меѓу собраните членови на семејството и блиските пријатели биле и Лука Модриќ и неговата сопруга Вања.

Селекторот на Хрватска, Далиќ: Не заслуживме ваков крај, храбро загубивме

ВИДЕО | Хрватска немаше среќа, Португалија преку драма до осминафинале